Фудбалерите на Челзи ни случајно не му дозволија на четвртолигашот Моркамб да се понадева на изненадување во дуелот од ФА Купот.
Лондонските „сини“ славеа убедлива победа со 5-0 со што го потврдија местото меѓу 32-те екипи кои продолжуваат во следната фаза.
Триумфот можеше да биде и поубедлив доколку фудбалерите на Челзи ги искористија сите шанси. Првата не ја реализира Нкунку кој промаши пенал. Само еден гол беше постигнат во првиот дел и тоа преку Адарабијо во 39-тата минута.
Во вториот дел, годтите примија уште четири гола.
Нкунку во 50.минуита зголеми на 2-0. Својот втор гол на натпреварот го постигна Адарабијо во 70-тата минута, а стрелец на два гола беше и Жоао Феликс (75 и 77).
Од фаворитите претходно денеска пласман во шеснаесетина финалето обезбеди и лидерот во Премиер лигата, Ливерпул.
