Само три натпревари беа закажани синоќа во НБА. Фаворитите беа успешни во нив и славеа притоа избегнувајќи неизвесна завршница.
Pо освојувањето на НБА Купот, Милвоки Бакс имаше тешко гостување кај Кливленд Кавалирс и забележа убедлив пораз. Натпреварот заврши со 124:102 за тимот што има најдобар скор во лигата.
Кавси ги предводеа Донован Мичел со 27 поени и шест асистенции и Дариус Гарланд со 16 поени и пет асистенции. Кај поразениот Јанис Антетокунмпо заврши со 33 поени и 14 скока, а Крис Мидлтон додаде 14 поени.
Филаделфија имаше многу лесна работа против Шарлот Хорнетс. Апсолутна доминација на домаќините кои првата четвртина ја добија со високи 41:23 и потоа лесно го добија дуелот со 108:98.
Џоел Ембиид постигна 34 поени со девет асистенции, Тајрис Макси го следеше со 23 поени и шест асистенции, а Кели Оубре додаде 22 поени. Кај Хорнетс Василије Мициќ постигна 20 поени, а Мајлс Бриџис 15 со седум скока.
Екипата на Оклахома Сити Тандер која е лидер во Западната конференција, продолжува со одличната форма. Оклахома ја забележа седмата последователна победа совладувајќи го Мајами со 104:97.
За победникот, Џејлен Вилијамс постигна 33 поени, а Шаи Гилгеус-Александер додаде 25 поени. Кај поразените Тајлер Херо постигна 28 поени со 12 скока , а Бам Адебајо додаде 17 поени и десет скока.
