Искусниот бек Филип Талевски по долги години нема да биде дел од ракометната репрезентација на Македонија. Ова откако Талевски не се најде на списокот на селекторот Кирил Лазаров на повикани ракометари за настап на СП во јануари месец.
Освен Талевски неизвесно е дали ќе има место и искусниот голман Мартин Томовски. Тој со неколкумина други (Цветан Кузманоски, Никола Костески, Самоил Ристески, Емилијан Ѓорговски, Филип Николов, Марио Танковски и Михаил Аларов) се ставени на списокот за резерви.
Затоа во тимот се враќа досегашниот капитен Никола Митревски чуварот на мрежата на битолски Е.Пелистер.
Собирот на репрезентацијата е закажан за во недела (22 декември) во 7.30 часот.
Светското првенство во Хрватска, Данска и Норвешка ќе се игра од 14 јануари до 2 февруари 2025 година. Македонија ќе игра во групата во Вараждин, против Унгарија, Холандија и Гвинеја.
РАСПОРЕД НА НАТПРЕВАРИ НА МАКЕДОНИЈА НА СП 2026
15.01.2025 – Унгарија – Македонија – 20:30 часот
17.01.2025 – Холандија – Македонија – 18:00 часот
19.01.2025 – Македонија – Гвинеја – 20:30 часот
