Во Првата машка кошаркарска лига денеска ќе се играта три натпревари со кои ќе биде комплетирано седмото коло.
Дербито на оваа рунда ќе се игра во СЦ „Кале“ во Скопје. Во него, досега не поразениот тим на ТФТ го пречекува составот на Чаир.
Тимот од Тафталиџе досега е перфектен со шест победи на исто толку одиграни натпревари. Чаирчани заедно со Пелистер се веднаш зад ТФТ, со еден пораз досега.
Во зависност од исходот од овој меч може да дојде и до промена на лидерското место на табелата, каде во моментов е МЗТ Скопје. Но аеродромци како и Работнички (кој сега е трет) имаат по два порази.
Дуелот меѓу ТФТ и Чаир ќе почне од 18 часот. Еден час порано во Гостивар истоимената домашна екипа го пречекува Кожув, а од 18.30 часот е закажан почетокот на натпреварот во Битола, каде Пелистер е домаќин на Шкупи.
Трите денешни натпревари може да ги ГЛЕДАТА ВО ЖИВО ОВДЕ.
ПРВА ЛИГА (МАЖИ) – 7.КОЛО
Недела
17.00 ГОСТИВАР – КОЖУВ
18.00 ТФТ – ЧАИР дерби
18.30 ПЕЛИСТЕР – ШКУПИ
Сабота
ТИКВЕШ – РАБОТНИЧКИ 73-66
МКК КУМАНОВО – ФЕНИКС 81-85
Четврток
ВАРДАР – МЗТ СКОПЈЕ А. 79-110
