Во Првата машка кошаркарска лига, денеска и утре на програмата се пет натпревари од седмото коло.
Дербито ќе се игра утре во СЦ „Кале“ каде ќе се „судрат“ досега не поразениот ТФТ и тимот на Чаир кој е веднаш зад нив. Овој натпревар ќе привлече посебно внимание имајќи ја в предвид нивната „пресметка“ во подготвителниот период. Тогаш натпреварот беше прекинат поради тепачка.
За очекување е дена на претстојниот меч, нема да има немили сцени и дека двата тима ќе покажат квалитетна кошарка. Тој натпревар како и дуелите во Гостивар и Битола ќе се играат утре.
Денеска на програмата се средбите во Кавадарци и Куманово, а во првиот одигран во четвртокот, МЗТ Скопје како гостин го совлада Вардар.
Сите натпревари од ова коло може да ги ГЛЕДАТЕ ВО ЖИВО ОВДЕ.
ПРВА ЛИГА (МАЖИ) – 7.КОЛО
Сабота 18.00 ТИКВЕШ – РАБОТНИЧКИ
18.00 МКК КУМАНОВО – ФЕНИКС
Недела
17.00 ГОСТИВАР – КОЖУВ
18.00 ТФТ – ЧАИР
18.30 ПЕЛИСТЕР – ШКУПИ
Четврток
ВАРДАР – МЗТ СКОПЈЕ А. 79-110
