Познати се осумте екипи кои ќе играат во четвртфиналето на англискиот Лига куп или популарниот „Карабао куп“.
Дербито на осминафиналната рунда се одигра во Лондон, каде Тотенхем го пречека шампионот Манчестер Сити. На победа се радуваа фудбалерите на Тотенхем со 2-1.
Домаќините поведоа уште во 5-тата минута со голота на Тимо Вернер. На 2-0 зголеми Сенегалецот, Сар. Во првиот дел Сити успеа да намали во последната минута со погодокот на Португалецот, Нуњез.
Бранителот на трофејот Ливерпул како гостин со 3-2 го совлада Брајтон. Најмногу голови беа постигнати на „Олд Трафорд“ каде Манчестер Јунајтед славеше над Лестер со 5-2.
Пласман меѓу осумте најдобри обезбеди и Њукасл со победата над Челзи со 2-0. Големо изненадување направи Кристал Палас кој на гостински терен ја победи Астон Вила со 2-1.
Двојките за четвртфиналето ќе бидат познати вечерва, додека натпреварите ќе се играат на 18 декември.
