Екипата на тетовска Шкендија сезоната 2025/26, ја заврши без трофеј. Откако го изгубија шампионскиот примат од Вардар, тетовци вчера беа поразени во Купот на Македонија од кратовски Силекс.
Фудбалерите и стручниот тим, не ги примија медалите по натпреварот, а од ФФМ е најавена санкција за тоа.
Од таборот на тетовци денеска со образложение, зошто се случи тоа.
„Фудбалскиот клуб Шкендија ја прифаќа одговорноста за разочарувањето предизвикано кај нашите навивачи со поразот во финалето на Купот на Македонија. Овој неуспех бара размислување, додека е јасно дека имаме грешки во нашите редови и главниот предизвик сега останува да излеземе од оваа ситуација и да ги подобриме очигледните недостатоци што ги покажавме.
Во исто време, преку оваа изјава сакаме да ja разјасниме ситуацијата во врска со ситуацијата создадена по финалето и церемонијата на доделување на медалите.
По завршувањето на натпреварот, нашите играчи се упатија кон навивачите за да им се заблагодарат за нивната поддршка во текот на 90-те минути и во исто време да се извинат за разочарувањето што беше предизвикано од денешниот пораз. Секако, по епилогот од финалето, навивачите со право беа разочарани, па престојот во близина на трибините траеше подолго од очекуваното. Играчите останаа во близина на трибините неколку минути, комуницирајќи со навивачите и не сакајќи несоодветно да го напуштат тој дел од стадионот.
Поради емоциите, бучавата на стадионот и ситуацијата создадена во тој момент, играчите не го слушнаа повикот за церемонијата на доделување на медалите. Клубот побара дополнително време од организаторите за да може тимот да ја смири ситуацијата и да се врати на теренот за официјалната церемонија. Потоа играчите се вратија на теренот, додека во тој момент беше во тек церемонијата на доделување медали за играчите на Силекс. Некои од нашите играчи се упатија кон соблекувалната за да облечат дресови или спортска опрема, бидејќи некои од нив останаа без дресови, донирајќи ги на навивачите веднаш по натпреварот.
Јасно нагласуваме дека во ниту еден момент КФ Шкендија не одби да ги прифати медалите, ниту пак имаше намера да го навреди организаторот или противничкиот тим. Доказ за ова е фактот што претставници на нашиот тим, меѓу кои Бесарт Ибраими, Арбин Зејнулаин и Мевлан Мурати, комуницираа со организаторите и во исто време им честитаа на играчите на Силекс за нивниот триумф во финалето.
Целата ситуација беше резултат на недоразбирање и технички пропуст во емотивните моменти по натпреварот, а не намерна одлука или акција од страна на клубот или нашите играчи“, се огласи од Шкендија.
