Македонскиот шампион Еурофарм Пелистер им се врати на победите. Во дербито од 6.коло на Супер лигата, пелистерци славеа против Охрид 33-27.
Освен почетните 0-1 за охриѓани, се останато мина во знакот на Еурофарм Пелистер. Зелено-белите одржуваа предност два до три гола, на полувремето го завршија со +4 (18-14). Во вториот дел, пелистерци ја зацврстија играта во одбраната, заиграа побрзо во нападот и постепено ја зголемуваа разликата. Веќе во 40.минута ја одвоија разликата и поведоа со +8 (24-16). Тука веќе беше јасно дека, Охрид неможе да се надева на изненадување, па Е.Пелистер ја впиша четвртата победа.
Најефикасен во тимот на Пелистер беше Богдан Радивојевиќ со 9, додека Дејан Манасков постигна 7 голови.
Битолчани сега имаат девет бодови, четири помалку од лидерот Вардар. Сепак пелистерци ќе треба да ги чекаат настапите на Алкалоид и Бутел кои имаат по осум бодови.
Следете нé на социјалните мрежи
СУПЕР ЛИГА 6.КОЛО
сабота
ЕУРОФАРМ ПЕЛИСТЕР – ОХРИД 33-27
КУМАНОВО – АЛКАЛОИД од 19 часот
вторник
БУТЕЛ СКОПЈЕ – ПРОЛЕТ од 18 часот
претходно одиграни
ПРИЛЕП – СТРУГА 34-27
ЕУРОФАРМ ПЕЛИСТЕР 2 – ТИКВЕШ 17-23
РАДОВИШ – ВАРДАР 27-33
