Младинската машка ракометна репрезентација на Македонија, денеска ќе го игра вториот натпревар на Светското првенство во Хрватска.
По голема борба и судиска неправда, нашите младинци беа поразени од Норвешка во првото коло, вчера имаа ден за одмор.
Тоа беше искористенода се направи анализа на пропуштеното со Норвежаните, но и на она што претстои, селекцијата на Црна Гора.
Црногорците во првото коло, ја „демолираа“ Грузија со 15 голови разлика (34-19). Селекцијата која лани беше домаќин на Европскиот шампионат, покажа дека има одлична генерација.
Но. Тоа не треба да ги плаши избраниците на селекторот Стојановиќ. Напротив. Треба да биде мотив повеќе, овие млади момчиња уште еднаш да потврдат дека имаат голем потенцијал. Кога можеа да се надигруваат со Норвежаните кои важат за едни од фаворитите за медал, сигурно дека црвено-жолтите можат и со Црногорците.
Она што го демонстрираа како карактер и борбеност на првиот меч, со корекции околу техничките грешки, сигурно дека може да донесе и позитивен резултат.
Натпреварот Македонија – Црна Гора ќе започне од 19.30 часот, а ќе можете да го ГЛЕДАТЕ ВО ЖИВО ОВДЕ.
