Германската сензација Ема Ајхер ја освои сцената во Сент Мориц со блескава победа во спустот на Светскиот куп.
Дваесет и двегодишната скијачка ја надмина легендарната Американка Линдзи Вон за 0,24 секунди, освојувајќи ја својата трета победа во кариерата и втора во оваа дисциплина.
Вон, олимписка шампионка од Ванкувер 2010, во петокот испиша историја. Таа стана најстара победничка на Светскиот куп со 41 година. Вон повторно демонстрираше исклучителна форма и од единаесеттата стартна позиција се искачи на врвот, но радоста беше краткотрајна. Ајхер со агресивен стил ја симна од првото место, потврдувајќи дека новата генерација е подготвена за големи предизвици.
На подиумот се најде и Италијанката Софија Гоџа, олимписка шампионка во спуст од Пјонгчан 2018. Таа заостана само 5.стотинки зад Вон.
Возбудувањата во Светскиот куп во Сент Мориц продолжуваат утре со трката во супер-велеслалом.
