Неколку интересни натпревари се одигра ноќеска во НБА лигата.
Тимот на Денвер Нагетс брзо им се врати на победите по елиминацијата во НБА купот. Денвер ноќеска забележа убедлива победа на гостински терен над Финикс Санс со 130:112. Гостите погодија 22 шута за три поени од 38 обиди и не дозволија Санс да им предизвикаат значителни проблеми.
Никола Јокиќ одигра одличен натпревар , постигнувајќи 26 поени без ниту едно промашување од поле, со девет скока и десет асистенции. Џамал Мареј постигна 24 поени, а Тим Хардавеј имаше 23. За Санс, Дилон Брукс заврши со 27 поени, а Девин Букер имаше 24 поени и седум асистенции.
Голден Стејт Вориорс играа без Стефен Кари , но дури и без него победија против Њу Орлеанс Пеликанс со 104:96.
Клучната разлика беше создадена во последната четвртина кога домаќините успеаја да се одлепат. Победниците ги предводеа Џими Батлер со 24 поени, осум скока и десет асистенции и Гари Пејтон со 19 поени и 11 скока.
Ослабените Бруклин Нетс беа лесно „залак“ за Милвоки Бакс, кои победија со 116:99.
Можеше да заврши и со уште поголема разлика, но гостите ја добија последната четвртина со 29:17 и ја намалија негативата. Јанис Антетокумпо одигра само 19 минути и постигна 29 поени со осум скока. Еј-Џеј Грин додаде 15 поени и пет асистенции. За Нетсите, Дени Волф постигна 22 поени, а Џејлен Вилсон постигна 13.
