Иако претрпеа два порази на домашен терен, Кливленд не ја изгуби надежта во плеј-офот на Источната конференција од НБА лигата.
Кавси го добија третиот натпревар на гостински терен со убедливи 126:104, со што ја намалија 1-2 во победи. Одлучувачка беше втората четвртина, која гостите ја добија со дури 34:13, со што го решија прашањето за победникот.
Подоцна, домаќините се обидоа да се вратат, но не успеаја. Пејсерси едноставно немаа решение за Донован Мичел кој доминираше во текот на натпреварот.
Мичел има просек од 41 поен по натпревар во оваа серија, и за разлика од претходните два натпревари, неговите одлични офанзивни перформанси овој пат му помогнаа на својот тим.
Ѕвездата на „Кавс“ постигна 43 поени со девет скока и пет асистенции. Макс Струс додаде 20 поени, седум скока и седум асистенции, Џарет Ален 19 поени и 12 скока, а Еван Мобли 18 поени и 13 скока.
