Екипата на Маџари очекувано славеше победа во дуелот со вториот тим на Работнички. Во натпревар од 8.коло во Втората македонска кошаркарска лига, Маџари го совлада Работнички како гостин со 53-78 .
Во воведнитете пет минути се играше кош за кош 10-10, по што следуваше серија на Маџари од седум поени (10-17). По тајм-аутот на домашниот тим Работнички возврати со низа од осум поени (18-17). Првиот период заврши со израмнети 20-20. Првата двоцифрена предност гостите ја направија во 17.минута кога поведоа со 38-28. До крајот на полувремето ниту еден тим не успеа да постигне поени.
За неполни две минути во второто полувреме, Маџари направив 10-2 и поведе со 18 разлика (48-30). На крајот на четвртината веќе предноста беше огромна +24 (64-40). Последниот период беше само формалност па Маџари ја впиша петата победа.
Од оваа рунда останува да се одигра уште еден натпревар и тоа дербито во кое штипските Соколи ќе и гостуваат на Струга попладнево од 16 часот. Со евентуална победа Соколи ќе се вратат на врвот на табелата.
Дерби дуелот меѓу Струга и Соколи може да го гледате ВО ЖИВО ОВДЕ.
ВТОРА ЛИГА (МАЖИ) – 8.КОЛО
Недела
РАБОТНИЧКИ 2018 – МАЏАРИ 53-78
ЦРН ДРИМ – СОКОЛИ од 16 часот
Сабота
МЗТ СКОПЈЕ У.Б. – АКАДЕМИЈА ФМП 84-80
БУТЕЛ – ОХРИД 88-77
МЕГА БАСКЕТ – БОРЕЦ БАСКЕТ 79-69
Петок
АНГЕЛИ – ВОДНО САНС 95-77
ТАБЕЛА: Ангели 14 бодови, Борец баскет 14, Соколи 13 (-1), Маџари 13, Мега баскет 13, Охрид 12, Црн Дрим 12 (-1), Бутел 12, МЗТ Скопје У.Б. 12, Партизан Водно Санс 9, Работнички 2018 9, Академија ФМП 8.
