Кошаркарската второлигашка конкуренција по пет одиграни рунди донесе изедначеност на врвот на табелата. Таму четири екипи се со по 9, а две зад нив со еден бод помалку.
Викендов на програмата се дуелите од 6-тото коло во кое дербито ќе се игра во Штип. Екипата на Соколи која во минатото коло славеше убедливо на гостувањето кај Маџари сега ќе го пречека составот на Ангели. Исходот од овој натпревар не е важен само за овие екипи туку и останатите кои претендираат за највисок пласман.
Екипата на Црн Дрим важи за апсолутен фаворит во дуелот со Академија ФМП која досега нема победа. Во иста улога се и Борец баскет и Маџари кои ќе играат против младите екипи на Работнички и МЗТ Скопје.
Интересно се очекува да биде во Бутел каде гостува прилепскиот Мега баскет. Инаку оваа рунда ќе ја отворат Партизан Водно Санс и Охрид.
Сите натпревари може да ги ГЛЕДАТЕ ВО ЖИВО ОВДЕ.
ВТОРА ЛИГА (МАЖИ) – 6.КОЛО
Сабота
11.30 ПАРТИЗАН ВОДНО САНС – ОХРИД
14.00 БУТЕЛ – МЕГА БАСКЕТ
16.00 ЦРН ДРИМ – АКАДЕМИЈА ФМП
Недела
11.30 РАБОТНИЧКИ 2018 – БОРЕЦ БАСКЕТ
17.00 МЗТ СКОПЈЕ УБ – МАЏАРИ
18.00 СОКОЛИ – АНГЕЛИ
ТАБЕЛА: Соколи 9 бодови, Борец баскет 9, Ангели 9, Црн Дрим 9, Маџари 8, Мега баскет 8, Бутел 7, Охрид 7, МЗТ Скопје У.Б. 7, Работнички 2018 6, Партизан Водно Санс 6, Академија ФМП 5.
