Кошаркарите на МКК Куманово забележаа убедлива победа во Супер лигата, совладувајќи ја Струмица со резултат 85-48. Домашниот состав доминираше од првата минута и лесно стигна до четвртиот сезонски триумф. Прашањето на победникот во Спортската сала во Куманово беше решено уште во првото полувреме.
Кумановци одиграа гранитна одбрана во воведниот период и на гостите им дозволија само осум поени (21-8). Истиот ритам продолжи и во втората четвртина, која домаќините ја добија со сигурни 19-11. Предводени од расположените Гуден, Стевановиќ и Стајиќ, домашните кошаркари целосно ја контролираа играта под обрачите. На паузата се замина со огромни 21 поен предност за домашниот тим (40-19).
Во вториот дел, кумановскиот состав рутински ја одржуваше високата позитива без никакви проблеми. Струмичани немаа шанси да избегнат убедлив пораз кој на крајот беше изразен со убедливи 37 поени разлика.
Најефикасен во победничкиот табор беше Карлос Гуден со 18 поени, додека Андреја Стевановиќ додаде 17 поени. Одличен натпревар за домашните одиграа и Бобан Стајиќ со 14 и Стефан Фундиќ со десет поени. Кај екипата на Струмица се истакнаа Димитар Пандев со 14 и Си-Џеј Крафорд со 11 поени. Двоцифрен кај гостите беше и Морис Харис со десет поени и девет скока.
По седум одиграни кола во Супер лигата, Куманово има учинок од четири победи и три порази. Кумановци сега се трети зад лидерот Работнички, а пред МЗТ Скопје. Но, тоа ќе се смени утре по одигрувањето на дербито меѓу вечните ривали. Тимот на Струмица останува во долниот дел од табелата со две победи и пет порази.
Распоред
Табела
| # | Екипа | ОН | П | И | кош +/- | Б |
|---|
