Македонскиот шампион Вардар ја започна продажбата на билетите за првото сезонско дерби против вицепрвакот Еурофарм Пелистер. Големата пресметка од деветтото коло во ракометната Суперлига е закажана за в недела од 17:45 часот.
Натпреварот ќе се одигра пред полни трибини во спортскиот центар „Јане Сандански“ во Скопје. Влезниците за овој возбудлив дуел веќе се достапни онлајн преку продажната мрежа на „VTickets“.
Цените на билетите за сите љубители на ракометот се движат по цена од 300, 400 и 500 денари. Скопскиот состав очекува огромна поддршка од своите фанови во обидот да го совлада лутиот ривал. Битолските зелено-бели патуваат во главниот град со силен мотив да покажат врвна игра на теренот.
Екипите во меѓусебниот дел влегуваат од првите две позиции на табелата. Вардарци се лидери со максимални осум победи. една повеќе од битолчани кои одиграа нерешено со Охрид.
