Тимот на Оклахома Сити Тандер ја продолжи својата серија без пораз во плеј-офот и е на чекор до ново финале. Тандерс славеа и по трет пад над Лос Анџелес Лејкерс во полуфиналната серија на Западната конференција.
Со победа со 131-108, Оклахома има водство од 3:0 во победи во серијата што се игра до четири добиени.
Аџај Мичел го одигра својот најдобар натпревар во кариерата, кога во прашање е плеј-офот. Тој заврши со дабл-дабл со 24 поени и 10 асистенции. Една асистенција му фалеше на Шаи Гилџус-Александар и тој да има двоен ефект, а натпреварот го заврши со 23 поени и 9 асистенции.
Кај поразените Лејкерси, Леброн Џејмс имаше 19 поени, осум асистенции и шест скока, а Остин Ривс на 17те поени додаде девет асистенции.
И следниот натпревар се игра во Лос Анџелес веќе за два дена.
Во Источната конференција, тимот на Кливленд ја остави првата победа над Детроит и ја намали предноста на противникот на 1:2 во победи.
По двата гостински порази, Кавалирс го добија првиот меч одигран пред својата публика со 116-109.
Донован Мичел беше незапирлив за гостинската одбрана, а натпреварот го заврши со 35 поени и десет скокови. Тој имаше поддршка од Џејмс Харден со 19 и Џерет Алек кој додаде 18 поени.
И следниот натпревар ќе се игра во Кливленд, во вторник наутро.
