Денес, на сцената на Евробаскет 2025, ќе се играат двете полуфинални пресметки што го дефинираат патот кон златото.
Додека Финска и Германија го отвораат денот, фокусот ќе биде насочен кон вториот дуел, Турција против Грција, натпревар што носи повеќе од спортска димензија. Оваа средба е повеќе од полуфинале, тоа е судир на две нации со длабоки спортски корени и историски набој.
Грција го освои Евробаскетот во 2005 година, додека Турција има само еден финален настап, во далечната 2001 година. И двете селекции доминираат во европската клупска кошарка, но на репрезентативно ниво, трофејната суша трае предолго.
Грција има осум победи во последните осум меѓусебни дуели, вклучувајќи и пријателски натпревари. Последен официјален пораз од Турција датира од 2010 година, на Светското првенство во Истанбул. Сега, генерацијата предводена од Јанис Антетокумпо и Алперен Шенѓјун има шанса да го прекине тој пост и да ја врати својата земја на големата сцена.
Турција се соочува со голем проблем, Чеди Осман е повреден, а неговиот настап во полуфиналето е неизвесен. Тоа може да го наруши балансот на тимот, особено во нападот.
Победникот од овој дуел ќе се приклучи на големото финале, додека поразениот ќе се бори за бронзата. Но, за навивачите, ова е повеќе од медал, тоа е прашање на национален престиж, спортска гордост и генерациска револуција.
Дуелот Турција – Грција ќе се игра во терминот од 20 часот.
Следете нé на социјалните мрежи
