Познати се три од четирите екипи што ќе играат на завршниот турнир во одбојкарскиот Куп на Македонија во во машка конкуренција.
Тоа се тимовите на Штип УГД, Струмица и велешки Борец, а последниот ќе го дознаеме во среда.
Бранителот на трофејот Штип УГД беше сигурен во четвртфиналниот дуел со Скопје, кој го доби убедливо, во три сета. И шампионот Струмица немаше поголеми проблеми против тимот на Универзитет во Тетово. Борец, пак, пред својата публика со максимален резултат ја елиминираше Лирија.
Последниот патник во полуфиналето ќе го даде победникот од мечот Шкендија и Работнички закажан за 26 февруари (среда) во Тетово.
ОДБОЈКАРСКИ КУП НА МАКЕДОНИЈА – МАЖИ
ЧЕТВРТФИНАЛЕ
ШТИП УГД – СКОПЈЕ 3-0 (25:09, 25:08, 25:14)
СТРУМИЦА – УНИВЕРЗИТЕТ ВО ТЕТОВО 3-0 (25:13, 25:20, 25:11)
БОРЕЦ – ЛИРИЈА 3-0 (25:18, 25:23, 25:12)
26 февруари
20.00 ШКЕНДИЈА – РАБОТНИЧКИ
