Тимот на Чаир во осминафиналето од Европскиот Куп го пречека тимот на Славија Прага. Чешката екипа славеше над Чаир со убедливи 31:20.
Гостите од Чешка веднаш го наметнаа своето темпо и поведоа со 3:1 на почетокот на натпреварот. Нивната предност постепено растеше, а во 17-тата минута резултатот беше 10:5 во корист на Славија. Чаир во неколку наврати се обиде да ја намали негативата но, Славија не дозволи. На полувреме гостинската екипа замина со позитива од 15:8.
Во втората половина Славија продолжи со истото темпо на игра. До 49-тата минута, предноста на гостите се зголеми на +9 (21:12). Тимот на Чаир немаше можност за пресврт, бидејќи Славија доминираше на теренот. Гостинската екипа ја одржа својата предност до самиот крај. Славија успеа да оствари победа со 31:20.
Најефикасни од екипата на Чаир беа Гулицоска и Дукоска со пет погодоци. Реваншот ќе се одигра утре, исто така во 18:00 часот, на истиот терен.
Ивона Кимовска
