На три од петте синоќешни натпревари во НБА лигата победија гостите.
Интересно беше во Минеаполис каде гостуваше шампионот Бостон кој славеше на крајот. Селтикс во неизвесен натпревар ги победија Тимбервулфс со 118:115.
Домаќините имаа шут за продолжение, но Ентони Едвардс промаши тројка и Бостон стигна до победа. Одлична партија кај гостите одигра Џејсон Тејтум кој постигна 33 поени, подели девет асистенции и забележа осум скока, а го следеше Дерик Вајт со 26 поени. Во поразениот тим Џулиус Рендл постигна 27 поени и забележа осум скока.
Неизвесен натпревар се одигра и во Милвоки, каде гостуваше Њу Џери кој славеше со 113:110. И тука домаќините имаа шанса да добијат продолженија, но Демијан Лилард промаши шут за три поени во последните секунди.
Во победничкиот тим Камерон Џонсон постигна 26 поени, а Кам Томас два помалку. Кај Бакс, Џанис Антетокунмпо заврши со 27 поени, 13 скока и седум асистенции, а Лилард со 23 поени.
Леброн Џејмс одигра одличен натпревар против Портланд и ги предводеше Лејкерси до победа со 114:106.
Во отсуство на Ентони Дејвис се падна на грбот на Џејмс кој беше незапирлив. Леброн заврши со 38 поени и осум асистенции, а Макс Кристи додаде 28 поени.
