Лидерот Вардар поразен од Водно Санс кој остана во игра за плејофот

Екипата на Водно Санс го совлада лидерот на табелата Вардар во последниот натпревар од 21.коло во Втората кошаркарска лига.

По водството на домаќините од 10-07, гостите направија серија од 7-0 и поведоа со 10-14. До крајот на првиот квартал се играше кош за кош, а Вардар го доби периодот со 20-17. На половина од вториот период црвено-црните дојдоа и до +8 (22-30), а на големата пауза се замина со резултат 39-44 за Вардар.

Во третата четвртина Водно Санс тргна одлично постигна 31 поен, а противникот 17, па во последната четвртина влезе со предност од +10 (71-61). Вардар брзо на преполови негативата 77-70 (34.минута), но немаа сили за комплетен пресврт па Водно заслужено славеше триумф со конечни 91-76.

Со оваа победа и вкупно 11 колку што има Охрид, тимот на Водно Санс сега изби на 6.место на табелата со победа повеќе од МЗТ Скопје У.Б. и Шкупи кои сеуште се во игра за место во плејофот.

ВТОРА ЛИГА – ПРЕТПОСЛЕДНО 21.КОЛО
НЕДЕЛА
СОКОЛИ – ЦРН ДРИМ 117-82
ВОДНО САНС – ВАРДАР 91-76
САБОТА
ШКУПИ – ОХРИД 81-61
МКК КУМАНОВО – БОРЕЦ БАСКЕТ 90-60
ОДИГРАНО ПОРАНО
БАСКЕТ КАМ – АНГЕЛИ 56-84
МЗТ СКОПЈЕ У.Б – РАБОТНИЧКИ 74-79 (70-70)

ПОСЛЕДНО 22 коло
ВАРДАР – МЗТ СКОПЈЕ У.Б.
РАБОТНИЧКИ – СОКОЛИ
АНГЕЛИ – ВОДНО САНС
ОХРИД – БАСКЕТ КАМ
БОРЕЦ БАСКЕТ – ШКУПИ
ЦРН ДРИМ – МКК КУМАНОВО