Македонската женска кошарка ќе добие нов шампион, откако Баскет Кам беше елиминиран во возбудливото полуфинале од екипата на Бадел 1862. За престижната титула во финалната серија ќе се борат кошаркарите на Бадел 1862 и тимот на Крива Паланка.
„Баделки“ направија голем подвиг и со победа од 61:59 во мајсторката го симнаа актуелниот првак од тронот. Баскет Кам не успеа да ја искористи предноста на домашниот терен во одлучувачкиот натпревар против мотивираните гостинки предводени од Дарко Димитријевиќ
Крива Паланка ја оправда улогата на фаворит и по три натпревари успеа да го совлада жилавиот состав на Вардар. Ова ќе биде историско прво финале за клубот од Крива Паланка кој сезонава игра во врвна форма.
Бадел 1862 ќе атакува на својата осма титула, додека нивниот противник се надева на прв шампионски пехар. Се очекува финалната серија да понуди голема неизвесност меѓу двете моментално најдобри екипи.
Првиот натпревар од битката за тронот ќе се одигра на теренот на подобро рангираната екипа од Крива Паланка.
