Oткако доминираше во првиот натпревар против Нешвил (3-1) со два гола, а потоа постигна брилијантен гол во поразот во реваншот (2-1), Лионел Меси повторно беше во центарот на вниманието за Интер Мајами.

Аргентинецот го предводеше својот тим до убедлива победа од 4-0 над Нешвил и со тоа обезбеди место во полуфиналето на конференцијата, или пошироко, во четвртфиналето на МЛС.

Двата гола Меси ги постигна во првото полувреме, 10-тата и 39-тата минута со што го најави триумфот на Мајами.

Во вториот дел и Тадео Аљенде два пати се запиша во листата на стрелци, а Маси му асистираше на вториот гол.

За Аргентинецот тоа беше неговата рекордна 400-та асистенција во кариерата, а сега стигна и до бројката од неверојатни 894 гола во 1133 сениорски натпревари.

ПОВРЗАНИ НАПИСИПОВЕЌЕ ОД АВТОРОТ