Oткако ги пропушти последните три натпревари, Никола Јокиќ се врати во тимот на Денвер за натпреварот против Далас. Иако Србинот одигра брилијантен натпревар сепак „Негетс“ загуби со 120-123.
Јокиќ оствари трипл-дабл со 33 поени, 17 скока и десет асистенции, но Денвер го претрпе тртиот пораз на последните четири натпревари.
Кај Далас го немаше повредениот Лука Дончиќ, па Наџи Маршал беше најефикасен со 26 поени, а Пи Џеј Вашингтон додаде 22 поени и 13 скока.
Четврта последователна победа, а седма во низа на домашен терен, забележа Лос Анџелес Клиперс. Синоќа „Клиперси“ славеа против Сакраменто со 104:88. Ова беше трет пораз за гостите во последните четири натпревари.
Џејмс Харден го предводеше тимот до победата со 22 поени, шест скока и девет асистенции. Најдобар кај „Кралевите“ беше Де’Арон Фокс со 29 поени, а Домантас Сабонис додаде 24 поени и 15 скока.
На останатите натпревари беа постигнати следниве резултати:
Филаделфија – Бруклин 113-98, Вашингтон – Бостон 96-108, Њу Орлеанс – Голден Стејт 108-112, Чикаго – Атланта 136-122, Хјустон – Портланд 116-88, Милвоки – Индијана 129-117.
