Ноќта во најсилната кошаркарска лига на светот НБА; , несе спектакуларни индивидуални изданија и осум возбудливи пресметки ширум американските арени. Ги одбележаа индивидуалните партии Динчиќ, Вембањама и Флаг
Лука Дончиќ повторно го предводеше тимот од Лос Анџелес до сигурен гостински триумф кај Атланта Хокс од 124:114.
Словенечкиот ас одигра речиси четириесет минути, запишувајќи моќен дабл-дабл ефект. Дончиќ заврши од 32 поени, 10 асистенции, осум скока и пет украдени топки. Голема поддршка му беа Сандро Мамукелашвили со 23 и центарот Вокер Кеслер со 21 поен. Кај домашниот состав најефикасен беше ветеранот Си-Џеј Меколум со 21 поен, додека Никеил Александер-Вокер го заврши мечот со 20 поени.
Виктор Вембањама одигра неверојатна симултанка во дресот на Сан Антонио, декласирајќи го домашниот тим на Феникс Санс со убедливи 122:96.
Францускиот феномен помина само 25 минути на теренот. Тоа му беше сосема доволно за да експлодира со дури 40 поени и 11 скока. Тој беше вистински кошмар под обрачите за противниците на пои им подели девет блокади. Во таборот на поразените Санси единствена светла точка беше Девин Букер, кој реализираше 32 поени без вистинска помош од соиграчите.
Купер Флаг го имаше својот најдобар настап и со фантастични 43 поени му донесе триумф на Далас над Индијана Пејсерс од 125:122.
Младиот талент на Маверикс додаде и 10 скока и шест асистенции. Огромна улога во драматичната завршница одигра и искусниот Кајри Ирвинг, кој постигна 35 поени со седум прецизни удари за три поени. На спротивната страна, Паскал Сијакам уфрли 29 поени за Индијана, а хрватскиот центар Ивица Зубац додаде 16 поени за гостите.
РЕЗУЛТАТИ:
АТЛАНТА – ЛА ЛЕЈКЕРС 114:124
ШАРЛОТ – КЛИВЛЕНД 124:112
ДЕТРОИТ – ВАШИНГТОН 122:111
ТОРОНТО – МЕМФИС 102:118
ДАЛАС – ИНДИЈАНА 125:122
ХЈУСТОН – ДЕНВЕР 110:100
ФЕНИКС – САН АНТОНИО 96:122
ГОЛДЕН СТЕЈТ – ЊУ ОРЛЕАНС 138:87
