Ракометната репрезентација на Македонија денеска ќе го игра првиот натпревар од втората фаза на Светското првенство 2025. Ривал ни е селекцијата на Австрија, противник за проверка на вистинските можности во моментов на македонскиот состав.
Австрија во групата во Пореч постигна две победи над Катар и Кувај, а загуби од репрезентацијата на Франција. Селекторот Алеж Пајович веќе неколку години го предводи австрискиот состав.
За денешниот натпревар според најавите Австрија нема да може да смета на неколку клучни ракометари: Никола Билик, Јанко Божовиќ и Борис Живковиќ. Сепак составот на Словенецот, Пајович не треба да се потцени. Тоа имајќи во превид дека половина од составот игра во Бундес лигата, а другиот дел е од националното австриско првенство.
Избраниците на македонскиот селектор Кирил Лазаров пак во дуелот со Гвинеја успеаја да одиграат натпревар и без некое поголемо оптеретување. Црвено-жолтите стигнаа до победа притоа, може малку да одморат по двата исклучително исцрпувачки натпревара. Едно е јасно, со повторување на игрите од тие два дуела македонските навивачи и нашиот национален тим може да очекуваат позитивен резултат.
Според најавата во составот би требало да се врати Марко Митев, кој поради ситна повреда го пропушти неделниот натпревар со Гвинеја.
МАКЕДОНИЈА ИМА ПОБЕДА ПОВЕЌЕ ОД АВСТРИЈЦИТЕ
Досега против Австрија имаме одиграно пет натпревари со три победи и два пораза. Во бараж двомеч бевме подобри од Австрија. На Светското првенство единствениот дуел заврши со победа на Македонија. На двата дуела на Европските првенства „скорот“ е 1:1, со тоа што последната победа во меѓусебните дуели е за Австрија.
МЕЃУСЕБНИ НАТПРЕВАРИ
Македонија – Австрија 26:21 (Скопје) – Бараж за Светското првенство 2013 / прв натпревар
Австрија – Македонија 30:27 (Виена) – Бараж за Светско првенство 2013 / втор натпревар
Македонија – Австрија 22:21 (Хернинг) – Европско првенство 2014
Македонија – Австрија 36:31 (Доха) – Светско првенство 2015
Австрија – Македонија 32:28 (Виена) – Европско првенство 2020
Натпреварот меѓу Македонија и Австрија ќе почне во терминот од 15:30 часот. Тоа е првиот од трите што се играат денеска во рамките од втората група.
