Шампионот во НБА лигата Бостон „Селтикс“ го доби деветтиот во последните десет натпревари, победувајќи против Детроит со 130:120 на домашен терен.
Џејлен Браун ги предводеше „Селтикси„ со 28 поени и девет асистенции, а Кристапс Порзингис постигна 26 поени и собра девет скока. Бостон постигна 21 тројка од 53 обиди.
Тобијас Харис и Кејд Канингем постигнаа 27 поени за „Пистонс“ за кои ова беше четврти пораз за гостите во последните пет натпревари.
Мајами одигра одличен натпревар, постигна 24 тројки и непречено победи против Лос Анџелес Лејкерс со резултат 134:93. Победата од 41 поен е трета најголема во историјата на тимот од Флорида.
Тајлер Херо постигна 31 поен, а Џими Батлер додаде 17 поени, девет скока и пет асистенции.
Леброн Џејмс беше најефикасен кај гостите од ЛА со 29 поени, а Руи Хачимура додаде 14 поени. „Лејкерси“ го забележаа шестиот пораз во последните осум натпревари.
Атланта ја извојуваа петтата последователна победа, а синоќа славеше на гостувањето кај Милвоки со 119:104. „Хоукси“ сега има скор 12-11 (победиипорази), а Милвоки 11-10, а двата тима се борат за петтото место на Истокот.
Џејлен Џонсон ги предводеше „Хокс“ дабл-дабл со 23 поени и 13 скока, додека Де’Андре Хантер додаде 20 поени и пет скока.
Јанис Антетокунмпо додаде 31 поен, 11 скока и пет асистенции, Демијан Лилард постигна 25 поени.
Победи на гостински и славеа Орландо кај Филаделфија со 106:102 и Минесота против ЛА Клиперс со 108:80. Домашниот терен го искористија кошаркарите на Бруклин „Нетс“ во дуелот со Индијана „Пејсерс“ 99:90.
