Кошаркарите на ТФТ и МЗТ Скопје Аеродром денеска ќе го играат третиот полуфинален натпревар од плејофот.
По двете победи во „Јане Сандански“ серијата сега се сели во СЦ „Кале“.
Таму од 19 часот ќе се игра првиот од двата предводени натпревари. Но, дали ќе има и втор најмногу ќе зависи од актуелниот шампион. Имено, МЗТ во денешниот меч влегува со предност од 2:0 во победи, па доколку сино-белите триумфираат и вечерва ќе ја завршат серијата.
МЗТ е на победа до финалето, а домаќинот ТФТ се надева дека со триумф ќе ја продолжи полуфиналната рунда, барем за уште еден натпревар.
Непознаници околу можностите и играта што ја имаат двата тима нема. Затоа мотивацијата и поголемата борбеност ќе решава на овој дуел. Ако на првиот неизвесноста беше присутна до самиот финиш, вториот мина во доминација на актуелниот првак.
Како ќе биде денеска ќе видиме во натпреварот што ќе почне од 19 часот, а ќе можете да го ГЛЕДАТЕ ВО ЖИВО ОВДЕ.
