Женското одбојкарско првенство на Македонија е зад нас. Заврши со триумф на старо-новите шампионки одбојкарките на Работнички Скопје.
Тие во финалето со 3:0 во победи ја добија екипата на Струмица, која во лигашкиот дел од сезоната беше неприкосновена со само еден пораз. Сепак во финалето по голема борба струмичанки не успеаја да ја продолжат низата, па сезоната ја заокружија со еден трофеј.
Од таборот на освојувачот на Купот на Македонија, денеска со реакција за арбитражата на последниот финален меч.
Реакција на ЖОК Струмица жени
„Срамно издание на судиската двојка Влатко Ристовски и Славчо Здравески во третиот натпревар од финалната серија во женската одбојкарска лига.
Решени беа да ја завршат серијата со 3:0 во полза на Работнички Скопје. За жал, успеа да ги извадат од колосек одбојкарките на Струмица, во клучни моменти со некоректни одлуки, без објаснување и простор за забелешка, со превисока толеранција на однесувањето на играчите и клупата на Работнички Скопје, третман што не го “уживаа” и оние на спротивната страна.
Оваа судиска двојка важеше за една од најискусните во судиската организација, но поткрепено со видео записи може да се види дека на овој натпревар судеа без интегритет, со што тимот на Струмица беше оштетен.
Во иднина за да не се случуваат вакви “лапсуси” добро би било да се воведе т.н “челенџ”, каде судиите би биле приморани да судат покоректно и да им некаква контрола на нивното работење.“
