Двајца „незамисливи“ фаворити за круната во Лигата на шампионите ќе се обидат да ја добијат предноста од првиот четвртфинален натпревар вечерва, каде Атлетико Мадрид ја пречекува Борусија Дортмунд на својот „Ванда Метрополитано“.
Тимот на Диего Симеоне драматично го елиминираше минатогодишниот вицешампион Интер на пенали во осминафиналето. Нивните противници од Бундес лигата, Борусија Дортмунд, славеа севкупно 3:1 над ПСВ Ајндховен.
„Милионерите“ се подготвија за патувањето во Мадрид со поразот од 1:0 од Штутгарт изминатиов викенд, со што ставија крај на нивната серија од пет победи.
Од друга страна, Атлетико извојува победа над Виљареал во самиот финиш, но сепак останува четврти во шпанската Ла лига со 17 бодови помалку од лидерот Реал Мадрид.
Последната шанса за успех оваа сезона на двете страни останува само трофејот во Лигата на шампионите.
Кој ќе ја има таа можност и дали ќе стекне предност во првиот натпревар останува да видиме вечерва со почеток од 21:00 часот.
