Данска го освои бронзениот медал на 36-тото Светско првенство за ракометарки.
Во „малото финале“ односно дуелот за 3.место, Данска пред својата публика во Херникг ја победи Шведска со 28-27.
Иако домаќинките одиграа брилијантно прво полувреме во кои направија и три гола предност, сепак во второто водеа жестока битка за победа.
Швеѓанките успеаја да се вратат во игра и завршните 10-тина минути да ги направат драматични. Сепак предводени од тандемот Хансен и Јоргесен кои постигнаа по пет гола, данските ракометарки се радуваа на победа.
Ова е втор бронзен медал за Данска во низа на Мундијалите. Воедно Данска си обезбеди место на Олимписките игри во Париз на кои ќе играат и финалистите од Мундијалот Франција и Норвешка.
Дуелот за златото, меѓу актуелниот светски првак Норвешка и олимпискиот шампион Франција ќе почне до 19 часот.
