Откако вчера екипата на МЗТ Скопје Аеродром победнички го заври својот настап на вториот турнир во АБА2 лигата во Златибор, денеска тоа очекуваме да го сторат ТФТ и Пелистер.
Двата македонски претставници, попладнево ќе ги одиграат своите натпревари од петтото коло.
Тимот на ТФТ во обид да ја оствари својата втора победа сезонава, ќе треба да го стори тоа проти екипата на Хелиос.
Словенечката екипа како и нашиот тим досега остварија само по една победа, а претрпеа по три порази.
Овој натпревар ќе почне во терминот од 15 часот.
По него од 18 часот на паркетот ќе излезат кошаркарите на Пелистер.
Битолчани нема да имаат ниту малку лесна задача бидејќи играат со амбициозниот домаќин Златибор. Српската екипа досега оствари три победи но пред два дена беше изненадена од хрватската Цедевита јуниор.
Пелистер пак ќе атакува на третата победа, втора во низа, откако во Златибор го доби македонското дерби со ТФТ.
