Најдобрата македонска тенисерка Лина Ѓорческа пак има скок од осум места и сега се наоѓа на 218-тото на новата ВТА листа. Лина има три поени повеќе во однос на претходната недела или 335.
Во конкуренција на двојки Ѓорческа е на 299.то место со 256 поени, подобар пласман за четири места од претходната недела.
А втора недела во низа и Магдалена Стоилковска има подобар пласман.
Со два поена повеќе и вкупно 8 поени се наоѓа на 1244.то место што е скок од 68 позиции. Минатата седмица напредуваше 33 места, па Стоилковска на последните две рангирања има подобрувања за 101 позиција.
