Одбојкарска репрезентација на Македонија, иако денеска беше слободна, сепак може да слави. По денешните два натпревари од „Ц“ групата, Македонија и официјално е осминафиналист на Еуроволеј 2023.
Ова откако Холандија во првиот меч ја совлада Данска, а вечерва Чешка беше подобра од Црна Гора.
Во вториот денешен меч во „скопската“ група, Чешка со 3:0 ја надигра Црна Гора (25-18, 25-20 и 25-14).
Со овие порази Црна Гора и Данска ниту теоретски неможе да ја минат Македонија на табелата.
На Македонките одбојкари сега е да бркаат подобар пласман на табелата, а со тоа и условно полесен противник во осминафиналето. Целта е да се избегне 4.место и дуелот со актуелниот шампион и домаќин Италија.
За да биде остварена таа цел, црвено-жолтите ќе мора да слават барем една победа во наредните два меса, утре со Холандија, или в среда против Чешка.
ТАБЕЛА – Ц ГРУПА (Скопје)
1. *Полска 9 бодови (9-1 сетови),
2. *Холандија 9 (10-3),
3. *Македонија 6 (6-4),
4. *Чешка 6(6-7),
5. Црна Гора 3 (3-10),
6. Данска 0 (3-12),
* Обезбеден пласман во осминафиналето.
