Кошаркарите на битолски Пелистер продолжуваат со европските предизвици. Тие денеска гостуваат во Словачка кај екипата на Приевидза.
Словачкиот тим е единствениот што Пелистер го победи во ФИБА Европа Купот, на дуелот во Битола. Затоа зелено-белите веруваат дека со добро издание, повторно ќе можат да го совладаат овој ривал. Победата секако е императив за пелистерци, бидејќи само со неа би останале во игра за второто место во групата и пласман во следната фаза.
„Имавме еден меч со Приевидза и знаеме со каков противник ќе се сретнеме утревечер. Во Битола покажавме дека можеме да ја победиме Приевидза.
Имаме доста тежок распоред во изминатиот период и доколку физички одговориме на предизвикот, можеме да дојдеме до посакуваната победа.
Шансите за пласман ни се мали, но сигурно кај нас постои мотивација за борба и за надигрување во оваа прва сезона во европските натпреварувања“, изјави Бобан Стајиќ, еден од најискусните во таборот на Пелистер.
Дуелот од 5.коло на Д групата, меѓу Приевидза и Пелистер ќе почне во 19 часот, а може да ГО ГЛЕДАТЕ ВО ЖИВО ОВДЕ
Следете нé на социјалните мрежи
