Кошаркарите на Пелистер иако не ги минаа квалификациите за ФИБА Лигата на шампионите, тие ќе продолжат во Европа купот.
Пелистерци беа елиминирани во италијанската Реџина во првата квалификациска рунда. Сепак зелено-белите покажаа дека имаат капацитет за европски натпревари. Сега кошаркарите на Пелистер ги чекаат шест натпревари во фибиниот Европа куп.
Битолскиот тим ќе се натпреварува во Д групата во која за противници ќе ги има: Приевидза (Словачка), Керавнос (Кипар) и Цедевита Јуниор (Хрватска).
Ќе бидат одиграни шест кола (дома-гости) по што десетте (10) победници на групите и шесте (6) најдобри второпласирани екипи, ќе продолжат во втората фаза во која ќе бидат формирани нови четири групи. Потоа ќе следува разигрувањето почнувајќи од четвртфиналето во кое ќе се пласираат првите две екипи од новоформираните групи.
РАСПОРЕД НА НАТПРЕВАРИ – ПЕЛИСТЕР
15 октомври Цедевита – Пелистер 19.00 часот
22 октомври Пелистер – Приевидза
29 октомври Керавнос – Пелистер
05 ноември Пелистер – Цедевита
12 ноември Приевидза – Пелистер
19 ноември Пелистер – Керавнос
Следете нé на социјалните мрежи
