Меѓу бројните одлуки што го донесе У.О. на ФФМ на денешната своја седница се и измените и дополнувањата на Правилникот за регистрација, статус и трансфер на фудбалери.
Со оваа одлука младите фудбалери ќе имаат можност да настапуваат за својата возрасна категорија, а истовремено за сениорската екипа.
Измената се однесува на можноста клубовите од Прва и Втора МФЛ, кои имаат склучено професионален договор со фудбалер, кои согласно својата возраст може да настапува и за младинци, да може и по склучување на професионалниот договор да настапува и во екипата на клубот во младинци;
ФФМ ги усвои пропозициите за натпреварување во трите лига како и Куп натпреварите за сезоната 2025/26;
- Воедно усвоени се предложените измени и дополнувања на Правилникот за натпреварување на ФФМ.
Емил Божиновски е именуван за нов претседател на Судискиот одбор, на местото на Александар Ставрев. Јосип Бартон е назначен за член на Судискиот одбор на местото на Дејан Костадинов.
