Два натпревари од Светското клупско првенство се одиграа во ноќеска, а победникот беше решен во завршницата. Баерн ја елиминираше Бока во 84-тата минута, а Лос Анџелес ФК промаши пенал во 101-вата минута.
Баерн го скрши отпорот на Бока во пеколна атмосфера во Мајами
Во натпревар исполнет со емоции и интензитет, Баерн Минхен ја совлада Бока Јуниорс со 2-1 и обезбеди пласман во осминафиналето. Иако Аргентинците доминираа на трибините на „Хард Рок“ стадионот, германскиот шампион го наметна својот ритам уште од стартот.
Хари Кејн го отвори резултатот во 18-тата минута, но Бока возврати преку Мигел Мерентиел во 66-тата. Кога се чинеше дека натпреварот ќе заврши без победник, Мајкл Олисех во 84-тата минута ја донесе победата на Баерн со прецизен удар по асистенција од Кејн.
Есперанс го елиминира Лос Анџелес
Во групата Д, тунискиот Есперанс приреди изненадување совладувајќи го Лос Анџелес ФК со минимални 1-0.
Натпреварот во Нешвил го реши Јусеф Белаили во 70-тата минута, кога искористи одбиена топка и ја смести во мрежата на Хуго Лорис.
Американскиот тим имаше златна шанса за израмнување во 101-вата минута. Денис Буанга не реализира пенал, а неговиот обид го одбрани голманот Бен Саид, кој стана херој на натпреварот.
