Екипите на Јута и Атланта го одиграа најнеизвесниот натпревар од синоќешната понуда во НБА лигата. Победа славеа гостите со 124-121, со кош во последната секунда.
Со тројката на Секстон на три секунди пред крајот домаќините израмнија на 121-121. И кога сите очекуваа продолжение Тре Јанг погоди од половина терен и донесе победа на Хокс.
Јанг натпреварот го заврши со 24 поени на кои додаде и дури 20 асистенции. Во поразената екипа Финецот, Марканен постигна 35 поени.
Без Лука Дончиќ и Кајри Ирвинг екипата на Далас славеше победа против Лос Анџелес Лејкерс со 118:97.
Квентин Грајмс ги предводеше Мавс со 23 поени и девет скока, додека Пи Џеј Вашингтон додаде 22 поени и осум скока. Во поразот тим Ентони Дејвис постигна 21 поен и 12 скока, а Леброн Џејмс 18 поени, 10 скока и подели осум асистенции.
Леброн имаше супер атрактивно забивање уште на самиот почеток на натпреварот, со што потсети на неговите најдобри денови.
Отсуството на Никола Јокиќ, што беше преголем хендикеп за Денвер во дуелот со Бпстон Селтикс. Шампионот славеше победа на гостински терен со 118:106.
Во победничкиот тим најефикасен беше Џејсон Тејтум со 29 поени и шест асистенции, а Кристапс Порзингис додаде 25 поени и 11 скока. Кај Нагетс, Расел Вестбрук постигна 26 поени и 9 скока.
На останатите натпревари беа постигнати овие резултати:
Шарлот – Феникс 115-104
Вашингтон – Хјустон 112-135
Њу Орлеанс – Минесота 97-104
Голден Стејт – Мајами 98-114
