По два дена одмор и финалето на НБА Купот, останатите дури 26 тимови се вратија на паркетот.
Екипата на ЛА Лејкерси го победија Сакраменто Кингс со 113:100. Остин Ривс ги предводеше Лејкерси до победата со 25 поени, а Ентони Дејвис оствари дабл-дабл со 21 поен и 18 скока. Леброн Џејмс заврши со 19 поени и 7 скокови, но стана играчот со најмногу одиграни минути во НБА лигата. Тој го собори рекордот на легендарниот центар на Лејкерски, Карим Абдул Џабар и сега Леброн има одиграно една минута повеќе.
ЛА Клиперс го победија Далас Маверикс на домашен терен. Олеснителна околност за Клиперси беше тоа што не играа Лука Дончиќ и Кајри Ирвинг. И покрај отсуството на двајца клучни играчи, Мавс добро се држеа и беа во водство во поголемиот дел од полувремето, но на средината на третата четвртина Клиперси дојдоа до недостижно водство и на крајот победија со 118:95.
Портланд со звукот на сирената во својата сала ги совлада Денвер. Блејзерси до триумфот со 122:120 стигнаа со кошот на Анферни Сајмон. Тој натпреварот го заврши со 28 поени и десет асистенции. Со тоа ја засени одличната партија на Никола Јокиќ со 34 кошеви, осум асистенции и шест скока.
Неизвесен натпревар во кој се имаше и дополнителни пет минути одиграа Сан Антониот и Атланта, а Спарси победија со 133-126. Младиот Французин, Виктор Вембаљама беше незадржлив и постигна 46 поени за победничката екипа.
