Викендов во Првата машка кошаркарска лига ќе се играат натпреварите од четвртото коло.
Оваа рунда ќе биде отворена попладнево од 17.30 часот со натпреварот во „Јане Сандански“ Во него новајлијата МКК Куманово предводен од екс македонскиот селектор Марин Докузовски ќе го предизвика шампионот МЗТ Скопје Аеродром.
Половина час подоцна (18.00) ќе почнат три натпревари. Во СЦ „Кале“, Шкупи или Вардар сигурно ќе се радува на првата победа. Пелистер кој има максимален ефект ќе се обиде да остана на тој колосек на гостувањето кај Гостивар. Во последниот за денеска, во Гевгелија ќе играат Кожув и Тиквеш тимови кои имаат ист учинок по една победа и два порази досега.
Колото ќе биде комплетирано утре со двата натпревари што ќе се играат во ист термин во Скопје.
Сите натпревари може да ги ГЛЕДАТЕ ВО ЖИВО ОВДЕ (линк)
ПРВА МАШКА ЛИГА – 4.КОЛО
Сабота
17:30 МЗТ СКОПЈЕ АЕРОДРОМ – КУМАНОВО
18:00 ШКУПИ – ВАРДАР
18:00 ГОСТИВАР – ПЕЛИСТЕР
18:00 КОЖУВ – ТИКВЕШ
Недела
18:00 РАБОТНИЧКИ – ЧАИР
18:00 ФЕНИКС – ТФТ
