Во Португалија викендов се вози втората трка од светскиот шампионат во Мото ГП.
Денеска на програмата се квалификациите по пол-позицијата и спринт трката.
На големо изненадување на сите, италијанецот Бастианини ја освои пол-позицијата за утрешната трка.
Тој најбрзо го извозе кругот во Португалија со време од 1.37.706 секунди и заслужено утре ќе стартува од првото место.
Инаку Бастианини е клубски колега на шампионот Пеко Бањаја од тимот на Дукати Леново тимот кој пак ќе стартува како 4-ти.
Од второто место ќе тргне Маверик Вињалес од тимот на Априлија Рејсинг, а трето најбрзо време оствари Хорхе Мартин од тимот на Прамак Дукати.
До 10-тото место се пласираа возачите, Милер, Безеки, Акоста, Марк Маркез, Квартараро и Биндер.
За денеска закажана е и спринт трката која ќе започне во 16 часот.
