Екипата на Јувентус се изнамачи да дојде до трите бода на гостувањето против Салернитана.
На дуелот од 19.коло во Серија А, Јувентус до победата со 2-1, стигна со пресврт и гол во судиското дополнение.
Салернитана која е на последното место на табелата, поведе со голот на Маџоре во 39-тата минута.
Но, токму стрелецот на голот во 53-тата минута заработи втор жолт картон, по што домаќините останаа со играч помалку.
Таквата предност Јувентус ја материјализира со голот на Англичанецот, Илинг Јуниор во 65-тата минута.
Гостите се обидуваа да стигнат и до втор гол. Тоа конечно им успеа во судиското дополнение кога Душан Влаховиќ погоди за 2-1.
Јуве повторно е на два бода помалку од водечкиот Интер, додека Салернитана остана на последното место.
Standings provided by Sofascore
