Ракометарите на Вардар Неготино вечерва во дуелот од 8.коло од Супер лигата се израдуваа на првата победа. Тие на домашен терен го совладаа Пролет 62 со 24:22. И покрај триумфот остануваат на последната позиција на табелата во рамките на Б групата. На вториот дуел одигран денеска од оваа група Бутел Скопје пред своите навивачи го совлада Прилеп со 27:21.
На дуелите од групата А Охрид го победи тимот на Струга со 30:20, додека Аеродром ја комплетираше серијата на домашните екипи со триумфот над МРК Куманово со 26:23. Во А групата претходно Алкалоид – Скопје 2020 38:25 и Е.Пелистер – Тиквеш 27:32.
Утре се играат последните дуели од оваа рунда. Дербито меѓу Еурофарм Пелистер и Вардар во Битола од 18 часот и натпреварот меѓу Голден Арт и Мулти Есенс.
Табела А група: Алкалоид 24 бодови, Тиквеш 21, Охрид 18, Струга 12, Аеродром 12, Е. Пелистер 2 6, МРК Куманово 1, Скопје 2020 1.
Табела Б група: Вардар 21 бод, Е. Пелистер 18, Бутел 15, Пролет 62 12, Прилеп 7, Голден Арт 7, Мулти Есенс 6, Вардар Неготино 3.
