Македонската фудбалска репрезентација од вчера ги одработува мини подготовките за претстојните два евро-квалификациски натпревари со Италија и Малта.
Во позитивна атмосфера мина првиот тренинг, на кој своите очекувања ги искажа младиот Јован Манев.
„На Италија никој не може да и се заканува. Сите знаеме за каква сила во фудбалот станува збор.
Фудбалски е да се надеваме на позитивен резултат.
Сигурен сум дека секој од нас ќе го даде максимумот и ќе постигнеме позитивен резултат“, вели Манев.
Запрашан за последното натпревар во кој Македонија ја елиминира Италија од Мундијалот, Манев истакна:
„Не верувам во одмазда и такви работи.
Секој нов меч е нов предизвик и сакам позитивен резултат пред нашите фанови.
Ако не веруваме, нема да бидеме тука”,
изјави Манев.
Натпреварот Македонија – Италија ќе се игра во сабота на арената „Тодор Проевски“ во терминот од 20.45 часот.
