Турскиот вицепрвак Фенербахче создава мала колонија на фудбалери од екс-ју просторите.
Последен во низата е хрватскиот голман Доминик Ливаковиќ.
Како што наведуваат повеќе извои, Ливаковиќ синоќа за последен пат настапи во дресот на Динамо Загреб и како капитен го подигна трофејот во Супер купот на Хрватска.
Имено, одличниот голман веќе го договорил сите лични услови со Фенербахче. Паднал и договор меѓу двата клуба во вредност од 9 милиони евра. Само се чека да се разменат документите, а потоа договорот е завршен.
За голманот на хрватската репрезентација веќе имаше интересот од повеќе европски екипи, а најблиску беше мадридски Реал до негов ангажман.
Сепак, Ливаковиќ денеска се очекува да пристигне во Истанбул за да го потпише договорот.
Хрватот ќе биде третиот фудбалер од екс-ју просторите, кој летово му се приклучува на турскиот гигант.
Прв во Истанбул дојде Босанецот Един Џеко кој вчера во дуелот со Нефчи го постигна и првиот гол.
Доцна синоќа во турската престолнина слета и српскиот капитен Душан Тадиќ, кој исто така денеска треба да потпише три годишен договор.
