Французинот сака да го напушти „Камп Ноу“, незадоволен од плановите на тренерот Чави стручњак за следната сезона.
Барселона ја освои титулата во Примера, но возбудувањата и негативни и позитивни не запираат кај шпанскиот клуб. Покрај бројните проблеми со законот и малверзациите со кои се соочуваат Каталонците, клупските челници бараат начин како да го засилат тимот за следната сезона да биде конкурентен во сите натпреварувања.
Позицијата десен бек беше најалармантна пред неколку години, а сега се побуни еден од играчите кој беше принуден да игра на таа позиција. Станува збор за Жил Кунде, кој сака да ја напушти Барселона, бидејќи не сака повеќе да игра на десната страна, пренесува шпанските медиуми.
Уште од времето на Дани Алвеш, Барселона нема квалитетно решение на десната бековска позиција. Во претходните сезони се обидоа со Сержиња Деста и Нелсон Семедо, но експериментот не успеа. Оваа сезона ја започнаа повратникот Хектор Белерин и Серхи Роберто, но брзо стана јасно дека десната страна не функционира доволно добро. Чави реши да го префрли Кунде на оваа позиција каде веќе настапуваше во Севиља.
Кунде се снајде добро, но на моменти можеше да се види дека има многу проблеми со брзите дриблери. Во француската репрезентација играше и како дефанзивец, но Анхел Ди Марија го „полуде“ во финалето на Светското првенство.
Доаѓањето на Иниго Мартинез од Атлетик Билбао дополнително би ги забрзало работите. Доколку се реализира трансферот, Шпанецот ќе ја зголеми конкуренцијата на позицијата стопер, па би имало гужва на омилената позиција на Французинот, каде веќе се Роналд Араухо, Андреас Кристенсен и Ерик Гарсија .
