Со наслов „ФУДБАЛОТ СЕ ИГРА ЗА НАВИВАЧИТЕ!“, од ФК Вардар реагираат на одлуката на Воска спорт, да забрани присуство на гостинката навивачка група “Комити“ на претстојното дерби во Втората фудбалска лига, што ќе се игра во Охрид, а во кое ќе се сретнат двете првопласирани екипи.
Од охридскиот клуб вчера излезе информацијата дека нема да им биде дозволено на „Комити“ организирано да присуствуваат на натпреварот, па вардарци очекувано денеска реагираа.
ФУДБАЛОТ СЕ ИГРА ЗА НАВИВАЧИТЕ!
Во недела, го играме најважниот натпревар, против екипата на Воска. Како вистински домаќини, секогаш сме правеле напор, заедно со нашата навивачка група – Комити Запад, да обезбедиме присуство на гостински навивачи, на нашиот стадион.
Затоа, очекуваме дека управата на ФК Воска ќе постапи согласно спортската здрава логика и дека ќе дозволи влез на нашите навивачи на стадионот во Охрид, бидејќи сите сме свесни дека постојат објективни услови за споредување на таа одлука!
Како клуб, целосно го подржуваме барањето на нашите навивачи. Сметаме дека тоа е најмалце што можеме да направиме, за луѓето кои целиот свој живот го посветуваат на клубот. Заедно сме во оваа борба, до крај!
СЕ ГЛЕДАМЕ ВО ОХРИД!🔴🌑
