– Не знаел дали Македонија е подобра и за колку од Малта!?
Малта е првиот противник на нашата фудбалска репрезентација во новиот циклус квалификации, овој за ЕУРО 2024 во Германија.
новиот селектор на Малтежаните, Микеле Марколини не знаел дали Македонија е подобра од неговиот тим, но сепак знаел дека нашата селекција ја делеше една победа од пласман на Мундијалот во Катар.
„Не знам колку и дали Македонија е подобра од нас, на терен тоа ќе се покаже. Сепак Македонија е силна селекција, беше на еден меч до пласман на СП во Катар. Ние мора да мислиме на себе а не на противникот“, е поентата на Марколини, на денешната официјална прес конференција.
Претпоставуваме дека ваквата изјава на селекторот на Малта ќе биде дополнителен мотив за нашите фудбалери да му покажат и докажат на Марколини, кој и колку е подобар во натпреварот што ќе се игра утре во Скопје со почеток од 20.45 часот.
